جے دہشت گردی دیاں کارروائیاں نہ رُکیاں تے فیر افغانستان دی سرزمین اندر جا کے دہشت گرداں خلاف کارروائی کرن اُتے مجبور ہو جاواں گے:اسحاق ڈار

جے دہشت گردی دیاں کارروائیاں نہ رُکیاں تے فیر افغانستان دی سرزمین اندر جا کے دہشت گرداں خلاف کارروائی کرن اُتے مجبور ہو جاواں گے:اسحاق ڈار

اسلام آباد(پاکستان پوائنٹ نیوز22۔فروری2017ء) وفاقی وزیر خزانا اسحاق ڈار دا کہنا اے کہ جے دہشت گردی دیاں کارروائیاں نہ رُکیاں تے فیر افغانستان اندر جا کے دہشت گرداں خلاف کارروائی کرن اُتے مجبور ہوجاواں گے۔ تفصیل دے مطابق وفاقی وزیر خزانا اسحاق ڈار ولوں آکھیا گیااے کہ افغانستان وچ موجود دہشت گرداں نوں اجے پاکستان اپنیاں حداں وچ رہ کے نشانا بنا رہیا اے پر جے افغانستان نے دہشت گرداں خلاف کارروائی نہ کیتی تے پاکستان نوں دوبارا دہشت گردی دا نشانا بنایا گیا تے فیر پاکستان کول کوئی ہور آپشن نہیں بچے گا۔ اوہناں دا کہنا سی کہ انج دی صورتحال پیدا ہون دی صورت وچ پاکستان فیر افغانستان اندر وڑ کے دہشت گرا نوں نشانا بنائے گا۔