پاکستان پیپلز پارٹی دی رہنما حنا ربانی کھر نے تحریک انصاف وچ رلت دا فیصلا کر لیا

کراچی(پاکستان پوائنٹ نیوز22۔فروری2017ء) پاکستان پیپلز پارٹی دی رہنما حنا ربانی کھر نے پاکستان تحریک انصاف وچ رلت دا فیصلا کر لیا اے۔ تفصیل دے مطابق پنجاب دے سابق گورنر غلام مصطفی کھر نے کُجھ دن پہلے ای پی ٹی آئی وچ رلت دا فیصلا کیتا سی۔ معتبر وسیلیاں نے ایس گل دی تصدیق کیتی اے کہ اوہناںدی بھتیجی تے سابق وزیر خارجا پاکستان حنا ربانی کھر نے پی ٹی آئی وچ رلت دا فیصلا کیتا اے۔ پر حنا ربانی کھر ولوں پی ٹی آئی وچ رلت دا باقاعدا اعلان کُجھ دِناں وچ کیتے جان دی امید اے۔