پشاور دھماکا: دھماکے وچ جج دی گڈی نوں نشانا بنایا گیا: ایس ایس پی آپریشنز

پشاور(پاکستان پوائنٹ نیوز15۔فروری2017ء) پشاور دے علاقے حیات آباد دی ستارہ مارکیٹ وچ دھماکا ہویا۔ ایس ایس پی آپریشنز سجاد خان نے دھماکے بارے تفصیلاں دَسدے ہوئے آکھیا کہ دھماکے وچ جج دی گڈی نوں نشانا بنایا گیا۔ گڈی وچ جج دی فیملی سوار سی۔ دھماکے وچ ڈرائیور ہلاک جدکہ سول جج آصف جدون سنے تن سوانیاں وی زخمی نیں۔ تِنے سوانیاں دی شناخت رابعہ، تحریمہ تے آصفہ دے ناں توں ہوئی اے۔ دوجے پاسے میڈیا وسیلیاں دے مطابق دھماکے وچ دو بندے ہلاک جدکہ 18زخمی ہوئے نیں۔ زخمیاں وچ سوانیاں وی شامل نیں جہناں نوں ڈاکٹری امداد لئی حیات آباد میڈیکل کمپلیکس منتقل کیتا جا رہیا اے۔