منے پرمنے کہانیکار علی انور احمد دا 10واں کہانی پراگا ’پنجابی مرکز لاہور‘ ولوں چھپ گیا

منے پرمنے کہانیکار علی انور احمد دا 10واں کہانی پراگا ’پنجابی مرکز لاہور‘ ولوں چھپ گیا

لاہور(پاکستان پوائنٹ نیوز09۔فروری2017ء) جانے پچھانے کہانیکار علی انور احمد ہوراں دا نواں کہانی پراگا’تند تند میلی چادر‘چھپ گیا اے۔’تند تند میلی چادر‘ اوہناں دا 10واں کہانی پراگا اے۔ایس توں وکھ اوہ اک ناول وی’شکارن‘ وی لکھ چکے نیں ۔علی انور احمد اپنی رہتل نال ج±ڑے ہون کر کے پنجابی کہانی پڑھن والے حلقے وچ اپنی اک وکھری پچھان رکھدے نیں ،اآپ دے ہر کہانی پراگے نوں جو مان سنمان ملدا اے اوہ گھٹ ای کہانی کاراں دے نصیب ہوندا اے۔

لہندے پنجاب وچ سبھ توں ودھ کہانی پراگے ایہناں دے ای نیں۔ علی انور ہوراں نے کہانی لکھن ول اپنی ساری حیاتی دان کیتی ہوئی اے ایس واسطے اوہناں نے اپنی ہیڈ ماسٹری تے ہور سرکاری ذمے داریاں توں وی ایس لئی ریٹائر منٹ لے لئی کہ اوہ پنجابی کہانی دے کھیتر وچ وادھا کر سکن۔ایس لئی اوہ لگا تار کہانی لِکھ رہے نیں ،کہانی پڑھ رہے۔ علی انور احمداپنے پڑھن والیاں نوں نا ا±مید نہیں کردے ۔ اوہناں دا کہانی پراگا’تند تند میلی چادر‘ پنجابی مرکز لاہور ولوں چھاپے چڑھیا اے۔