ڈیرہ غازی خان(پاکستان پوائنٹ نیوز09۔فروری2017ء) ڈیرہ غازی خان وچ جعلی پیراں دے مبینہ تشدد پاروں سوانی ہلاک ہو گئی، شوہر نے الزام لایااے کہ جعلی پیر جن کڈھن لئی میری بیوی نوں درخت نال لٹکا کے ڈنڈے ماردے رہے۔ میڈیا رپورٹ دے مطابق ڈیرہ غازی خان دے علاقے سجاد آباد دا نذر حسین اپنی بیوی ثریا بیگم نوں دَم کروان نورنگ آباد لیایا سی جتھے جعلی پیر امان اللہ تے عبدالحمید نے دسیا کہ سوانی اُتے جِناں دا اثر اے، جن کڈھن لئی جعلی پیراں نے ثریا نوں درخت نال بندھ دِتا، اوہنوں ڈنڈے مار تے دھواں دِتا، جہدی وجہ توں اوہدی حالت وِگڑ گئی۔
سجاد نے دسیا کہ اپنی بیوی نوں چیکاں ماردیاں ویکھ کے پیراں نوں تشدد توں روکیا پر اوہ نانہ منے۔ حالت خراب ہون اُتے سوانی نوں ٹیچنگ ہسپتال منتقل کیتا جا رہیا سی کہ اوہ راہ وچ دم دے گئی۔ دوجے پاسے جعلی پیر فرار ہون وچ کامیاب ہو گئے نیں۔ پولیس دا کہنا اے کہ پوسٹ مارٹم مگروں مقدما درج کر کے ملزماں نوں گرفتار کر لیا جائے گا۔
