پراپرٹی ڈیلرز تے کرایہ داراں دی رجسٹریشن کرن دا فیصلا

سرگودھا(پاکستان پوائنٹ نیوز07۔فروری2017ء) سرگودھا سنے ڈویژن بھر دے چاراں ضلعیاں وچ پراپرٹی ڈیلرز تے کرایہ داراں دی رجسٹریشن کرن دا فیصلا کر لیا گیا اے۔وسیلیاں دے مطابق حکومت نے دہشت گردی دے ودھدے ہوئے واقعیاں نوں مُکھ رکھدے ہوئے سرگودھا ڈویژن دے چاراں ضلعیاں وچ پراپرٹی ڈیلرز تے کرایہ داراں دی رجسٹریشن لئی متعلقا انتظامیا نوں ہدایتاں جاری کر دِتیاں نیں، حکومت دے نوٹس وچ ایہ گل لیاندی گئی اے کہ دہشت گردکرائے دے مکان لے کے اوہناں وچ دہشت گردی دیاں وارداستاں لئی پلاننگ کردے نیں، ایس لئی حکومت نے کرایہ داراں دے نال نال پراپرٹی ڈیلرزدی رجسٹریشن نوں وی یقینی بنان لئی ہدایتاں جاری کر دِتیاں نیں۔