گجرات(پاکستان پوائنٹ نیوز02۔فروری2017ء) گجرات وچ روٹی ویلے سِر نہ دین اُتے پیو نے اپنی دھی نوں قتل کر دِتا۔ تفصیل دے مطابق گجرات وچ تھانا صدر جلاپور دے علاقے اندراک بندے نے روٹی ویلے سِر نہ دین اُتے اپنی دھی نوں قتل کر دِتا۔ شبیر نامی بندے نے دسیا کہ سویر توں پیلیاں وچ کم کر رہیا سی جدوں گھر آیا تے دھی توں روٹی منگی پر اقصی نے دسیا کہ روٹی نہیں بنی۔
شبیر دا کہنا سی کہ میں تھوڑی دیر بعد اقصی توں فیر روٹی منگی تے اوہنے آکھیا کہ تھوڑا صبر کر لوو جہدے اُتے مینوں غصہ آیا تے میں اپنی دھی نوں سر وچ گولیاں مار دِتیاں۔ شبیر دے گھر والیاں دے وسیلیاں دا کہنا اے کہ اقصی رولا پاندی رہی پر پیو نوں ذرا وی رحم نہ آیا، ایتھوں تک کہ شبیر نے معصوم اقصی نوں ہسپتال تک وی لیجان نہیں دِتا۔ پولیس نے شبیر خلاف مقدما درج کر کے ملزم شبیر نوں گرفتار کر لیا۔ ایس ایچ او نے دسیا کہ ایس مقدمے وچ مدعی آپ پولیس اے۔ اوہناں نے یقین دہانی کروائی کہ ملزم نوں سخت سزا دِتی جائے گی۔
