گوجرانوالا(پاکستان پوائنٹ نیوز01۔فروری2017ء) بے رحم ماں نے 8دِناں دا بال کوٹھے توں ہیٹھاں سُٹ دِتا۔ تفصیل دے مطابق عائشہ ناں دی سوانی دے گھر اٹھ دن پہلے ای پُتر ہویا، کل رات بال دے بُہتا رون اُتے عائشہ نے اپنے اٹھ دِناں دے بال نوں شاپر وچ پا کے کوٹھے توں ہیٹھاں سُٹ دِتا پر بال اللہ ولوں بچ گیا جہنوں فوری طور اُتے سول ہسپتال منتقل کر دِتا گیا۔
ڈاکٹرز دا کہنا اے کہ بال دی حالت خطرے توں باہر اے پر اوہنوں ہور دو دن ہسپتال وچ رکھیا جائے گا تاں جے بال نوں لگیاں سَٹاں دا بہتر علاج کیتا جاسکے۔ دوجے پاسے بال دی دادی ریحانہ بی بی نے دسیا کہ عائشہ عجیب طبیعت دی مالک اے جو چھیتی غصہ کھا جاندی اے، اوہ کئی وار آکھدی سی کہ میرے کولوں راتاں نوں نہیں جاگیا جاندا ،ایہو وجہ اے کہ بال دے بُہتا رون اُتے اوہنے اوہنوں کوٹھے توں ہیٹھاں سُٹ دِتا۔ دوجے پاسے پولیس نے عائشہ نوں گرفتار کر لیا اے۔
