والد نے 13ورھیاں دی دھی نوں زیادتی دا نشانہ بنا دتا

بشیر نے اپنی دھی نوں گھر وچ کلا ویکھ کے ہتھ پیر کپڑے نال بنھ کے زیادتی کیتی

والد نے 13ورھیاں دی دھی نوں زیادتی دا نشانہ بنا دتا
بشیر نے اپنی دھی نوں گھر وچ کلا ویکھ کے ہتھ پیر کپڑے نال بنھ کے زیادتی کیتی

قصور( پاکستان پوائنٹ نیوز04۔اگست۔2018ء ) قصور دے علاقے الہ آباد وچ دُکھ بھریا اک واقعہ ساہمنے آیا اے جتھے والد نے اپنی سگی دھی نوں ای اپنی ہوس پوری کرن لئی جنسی زیادتی دا نشانہ بنا دتا۔ تفصیل مطابق ٹھینگ موڑ وچ بشیر نامی اک بندے نے مبینہ طور اُتے اپنی سگی دھی نوں ای جنسی زیادتی دا نشانہ بنایا۔تھانا الہ آباد وچ کُڑی دے ماموں نے مقدمہ درج کروا دتا۔

کوٹ ملا سنگھ دے محمد یوسف نے مقدمے وچ موقف اختیار کیتا کہ میری 13ورھیاں دی بھانجی نوں اوہدے سگے والد بشیر نے گھر وچ اکلا ویکھ کے ہتھ پیر کپڑے نال بنھن مگروں زیادتی دا نشانہ بنایا۔پولیس نے متاثرہ کُڑی دے ماموں محمد یوسف دی شکایت اُتے ملزم بشیر نوں گرفتار کر لیا اے۔دوجے پاسے پولیس دی مڈھلی تفتیش وچ مجرم تے متاثرہ بالڑی دے والد بشیر نے اپنے اُتے لائے گئے الزام نوں رد کردے ہوئے آکھیا کہ میری بیوی دا چال چلن ٹھیک نہیں اے، اپنی بیوی نوں منع کرن اُتے میرے اُتے جھوٹھا الزام لایا گیا اے۔ پولیس نے بشیر نوں گرفتار کر کے ہور تفتیش شروع کر دتی اے۔