عیسی خیل دی حسینہ دے 16ویاہ

کُڑی نوں وڈی عمر دے بندیاں وچ دلچسپی، ویاہ کرن دا مقصد کیہ :ہوش اُڈا دین والے انکشافات

عیسی خیل دی حسینہ دے 16ویاہ
کُڑی نوں وڈی عمر دے بندیاں وچ دلچسپی، ویاہ کرن دا مقصد کیہ :ہوش اُڈا دین والے انکشافات

عیسی خیل( پاکستان پوائنٹ نیوز04۔جون2018ء ) تحصیل عیسی خیل دے علاقے میانہ والا دی رہائشی شہناز دختر گل زمان ذات موچی نے اپنے سگے پیو نال رلکے ویاہ دا کاروبار شروع کیتا۔ کالا باغ دے علاقے کچھ تندر خیل دے رہائشی محبوب خان نے دسیا کہ اوہناں دا طریقہ واردات بہت آسان اے۔ اوہدا والد مختلف شہراں وچ ویاہ دے خاہشمند وڈی عمر دے بندیاں نوں لبھ کے کسے تیجے بندے راہیں اوہناں تیکر سنیہا اپڑاندا اے کہ میانہ والی دے رہائشی گل زمان دے گھر اوہناں دی دھی دا رشتہ اے ، جو اوہدا ویاہ کرنا چاہندا اے۔

ایہ سنیہا سُن کے جدوں خاہشمند خاندان اوہناں دے گھر رشتے لئی آؤندا تے اوہ پہلی نظر وچ آن والے رشتے نوں پسند کر لیندا تے کُڑی نوں کنواری ظاہر کر کے پروگرام مطابق ڈھائی تن لکھ رُپئے تے 5تولے زیوارت لاڑے توں لکھوا لیندا اے اتے چٹ منگی تے پٹ ویاہ کر کے دھی نوں ٹور دیندا۔ پر کُجھ مہینیاں مگروں ای شہناز بی بی اپنے گھر والے نال رُس کے اپنے سامان سنے پیکے آ جاندی اے۔

فیر دوجی تھاں ویاہ دا پروگرام بن جاندا اے۔ ایس طرحاں ہن تیکر ایہ حسینہ ویاہ دے ناں اُتے کئی شہراں توں تعلق رکھن والے 16بندیاں نوں لُٹ چکی اے۔ جیہناں وچ ونجاری گلا خیل دا رہائشی غلام محمد الدین، ترک دا رہائشی امیر محمد عرف کلی اُستاد کمہار، سرکیہ عیسی خیل دا رہائشی زبر نواز، سلطان خیل دا رہائشی نور محمد مراثی پکوڑے والا، نور پول تھل خوشاب دا رہائشی لیاقت علی تے کچھ تندر خیل کالا باغ دا رہائشی محبوب خان ایس شہناز بی بی نامی ڈاکو حسینہ دے متاثرین وچ شامل اے۔

محبوب خان نے دسیا کہ ایہناں لوکاں نے اک گینگ بنا یا ہویا اے ، جیہدے وچ اوہناں نے میانوالی شہر دا باقاعدہ اک وکیل وی رکھیا ہویا اے جو ایہناں دے کیس لڑدا اے۔ محبوب خان نے ہور دسیا کہ جدوں میرا شہناز نال ویاہ ہویا تے شک پین اُتے میں اوہدا الٹراساؤنڈ کروایا تے اوہ ویاہ توں دو مہینے پہلاں دی حامالا سی۔ محبوب نے منگ کیتی کہ چیف جسٹس صاحب نوٹس لیندے ہوئے سانوں انصاف دوان۔