ملتان( پاکستان پوائنٹ نیوز26۔مئی2018ء ) مشہور ناول نگار و’ عمران سیریز‘ دے سینکڑے ناول لکھن والے مظہر کلیم ملتان وچ چلانا کر گئے۔ مشہور لکھاری مظہر کلیم لمے چِر توں بیمار سن۔ مظہر کلیم دی گنتی پاکستان دے کامیاب قانون داناں وچ ہوندی سی پر اوہناں دی اک مشہوری دی وجہ جاسوسی ناول ’عمران سیریز‘ وی سن۔ 22جولائی 1942نوں ملتان وچ پیدا ہون والے مظہر کلیم ریڈیو ملتان توں مشہور پروگرام ’جمہوری آواز‘وی کردے رہے ۔
مظہر کلیم نے بہاؤالدین زکریا یونیورسٹی (سابقہ جامعہ ملتان) توں اردو ادب وچ ایم اے تے ایل ایل بی کیتا جیہدے مگروں اوہ ملتان بار کونسل دے نائب صدر تے ملتان دیاں ضلعی عدالتاں دے سربراہ وی رہے۔ جاسوسی ناول ’عمران سیریز‘ دا مڈھ بھاویں ابنی صفی نے بنھیا پر مظہر کلیم نے اپنی ’عمران سیریز‘ وچ نویں کرداراں نوں متعارف کروایا۔
