بہاولپور(پاکستان پوائنٹ نیوز05۔اپریل2018ء) بہاولپور وچ پنچایت دے فیصلے نے انسانیت دا سر جھکا دتا،پنچایت نے 2سال دے بال دا 19سال دی کُڑی نال ویاہ کرن دا حکم دے دتا۔تفصیل مطابق پنچایت دے اک ہور فیصلے نے ظلم دی انتہا کر دتی۔ 19ورھیاں دی شیر بانو دے والد محمد خان جو اک بھٹھے اُتے کم کردا اے۔ علاقے دے وڈیریاں نے آ کے محمد خان توں اوہدی دھی دا ہتھ اکبر خان دے 2سال دے پُتر لئی منگیا۔
محمد خان دے انکار اُتے پنچایت سدی گئی تے فیصلا اکبر خان دے حق وچ کردے ہوئے پنچایت نے دو سال دے بال دا 19سال دی کُڑی نال ویاہ متھ دتا۔ پنچایت دے فیصلے مگروں محمد خان نے احتجاج کیتا تے گل خان نے دھمکی دیند ے ہوئے آکھیا کہ جے شیر بانو دا ساک کیتے ہور کرن دی کوشش کیتی تے پنچایت دے فیصلے مطابق اوہنوں تے شیر بانو نوں مار دتا جائے گا۔ محمد خان دی شکایت اُتے ملزماں خلاف مقدمہ درج کر لیا گیا۔
