گوجرانوالا(پاکستان پوائنٹ نیوز17۔مارچ2018ء) گوجرانوالا وچ کُڑیاں نوں زیادتی دا نشانہ بنان مگروں اوہناں دی ویڈیوز بنان والے ملزم راشد دی تصویر مسلم لیگ (ن) دے بینرز اُتے موجود ہون دا انکشاف ہویا اے۔ میڈیا رپورٹ مطابق بینرز اُتے ملزم راشد نے اپنے آپ نوں جنرل سیکرٹری حمزہ یوتھ لورز ظاہر کیتا۔ ملزم کُڑیاں نوں ہوس دا نشانہ بنا کے اوہناں دی ویڈیوز بناندا سی، پولیس نے تحقیقات مگروں ملزم سنے دو بندیاں نوں گرفتار کر لیا۔
گوجرانوالا وچ ایہ بینرز وزیر اعلا پنجاب میاں شہباز شریف دی آمد اُتے لگے ہوئے سن۔ ایس سلسلے وچ جدوں مسلم لیگ (ن) دے اک عہدیدار نال گل بات کیتی گئی تے اوہناں دا کہنا سی کہ ملزم نے ذاتی طور اُتے ایہ بینرز چھپوائے ہو ن گے پر ایہدا (ن) لیگ نال کوئی تعلق نہیں اے۔ ایہدے اُلٹ بینرز اُتے اوس ملزم دی تصویر تے اوہدا عہدہ واضح لکھیا ہویا اے۔
