کراچی(پاکستان پوائنٹ نیوز16۔مارچ2018ء) کراچی پولیس نے کُڑیاں نوں محبت تے نوکری دا چکر دے کے اجتماعی زیادتی دا نشانہ بنان والے گروہ نوں گرفتار کر لیا۔ میڈیا رپورٹ مطابق چار مُنڈیاں اُتے مشتمل ایہ گروہ کُڑیاں نوں محبت یاں نوکری دا چکر دے کے اعتماد وچ لیندا تے فیر اوہناں نوں زیادتی دا نشانہ بنا دیندا سی۔ ڈی آئی جی پولیس ویسٹ زون عامر فاروقی نے دسیا کہ پولیس نے کالج دیاں کُڑیاں نال اجتماعی زیادتی کرن والے گروہ دا پتا چلایا تے کارروائی کر کے 4مُنڈیاں نوں گرفتار کیتا۔
ڈی آئی جی ویسٹ عامر فاروقی نے ہور دسیا کہ چار مُنڈیاں اُتے مشتمل گروہ کُڑیاں نوں محبت تے نوکری دوان دا چکر دے کے زیادتی کردا سی۔ اوہناں نے دسیا کہ ملزم کُڑیاں نوں فارم ہاؤس لیجاکے زیادتی دا نشانہ بناندے سن۔ پولیس نے ملزماں دے جُرماں دیاں کئی ویڈیوز وی لے لئیاں نیں۔ ڈی آئی جی ویسٹ مطابق ملزماں دے سوشل میڈیا اکاؤنٹ وچ کئی تصویراں موجود نیں ، تصویراں وچ اوہ اسلحہ پھڑے وکھالی دے رہے نیں۔
