طاقت دے نشے وچ مست تھانے دار دی شرمناک حرکت

ایس ایچ او نے شہری دے گھرا دھاوا بولدے ہوئے موٹر سائیکل اُتے سوار بالڑی نوں بھوئیں اُتے سُٹ دتا

طاقت دے نشے وچ مست تھانے دار دی شرمناک حرکت
 ایس ایچ او نے شہری دے گھرا دھاوا بولدے ہوئے موٹر سائیکل اُتے سوار بالڑی نوں بھوئیں اُتے سُٹ دتا

سیالکوٹ(پاکستان پوائنٹ نیوز15۔مارچ2018ء) طاقت دے نشے وچ مست تھانے دار دی شرمناک حرکت ساہمنے آئی اے۔ سیالکوٹ وچ ایس ایچ او نے شہری دے گھر دھاوا بولدے ہوئے موٹر سائیکل اُتے سوار بالڑی نوں بھوئیں اُتے سُٹ دتا۔ تفصیل مطابق پنجاب پولیس دے پُٹھے کارنامیاں توں ہر پاکستانی جانو اے۔ اجیہا شرمناک واقعہ سیالکوٹ وچ پیش آیا۔ جتھے طاقت دے نشے وچ مست ایس ایچ او نے شہری دے گھر دھاوا بول دتا۔ پولیس افسر نے پہلے گالھاں کڈیاں تے فیر شہری دی موٹر سائیکل وچوں چابیاں کڈھ لئیاں۔ مقامی ایس ایچ نے ایتھے ای بس نہ کیتی بلکہ موٹر سائیکل اُتے سوار شہری دی نکی بالڑی نوں بھوئیں اُتے دے ماریا۔ ایس سارے واقعے دی ویڈیو سوشل میڈیا اُتے وائرل ہو گئی اے ۔سوشل میڈیا ورتیندڑاں نے ذکر کیتے گئے پولیس افسر نوں سخت سزا دین دی منگ کیتی اے۔