پنجاب یونیورسٹی وچ ہنگامہ آرائی دا معاملا:یونیورسٹی ڈسپلنری کمیٹی نے 16پڑھیاراں نوں یونیورسٹیوں کڈھ دتا

لاہور(پاکستان پوائنٹ نیوز17۔فروری2018ء) پنجاب یونیورسٹی دی ڈسپلنری کمیٹی نے پنجاب یونیورسٹی وچ ہنگامہ آرائی وچ ملوث جمعیت دے 12 تے پشتون بلوچ تنظیماں دے 4پڑھیاراں نوں یونیورسٹیوں کڈھ دتا۔ تفصیل مطابق پنجاب یونیورسٹی انتظامیہ نے 22جنوری دے ہنگامے وچ ملوث پڑھیاراں خلاف کارروائی کردے ہوئے جمعیت دے 12 تے پشتون بلوچ تنظیماں دے چار پڑھیاراں نوں یونیورسٹیوں کڈھ دتا اے۔ ڈسپلنری کمیٹی نے چھ پڑھیاراں نوں اک سال لئی یونیورسٹیوں کڈھن دی سزا سنائی۔ یونیورسٹی دے ترجمان مطابق یونیورسٹی انتظامیہ نے ہور 30پڑھیاراں نوں شوکاز نوٹس وی جاری کر دتے نیں۔ ترجمان پنجاب یونیورسٹی دا ہور کہنا سی کہ پڑھیار فیصلے خلاف 15دناں وچ وائس چانسلر نوں درخاست دے سکدے نیں۔