ملتان دے رہائشی دا وفاقی وزیر سکندر بوسن نوں گردہ دان کرن دا اعلان

ملتان(پاکستان پوائنٹ نیوز15۔فروری2018ء) ملتان دے علاقے بند بوسن دے رہائشی نے سکندر بوسن نوں گردہ دان کرن دا اعلان کر دتا۔ تفصیل مطابق ملتان شہر دے دوالی علاقے بند بوسن دے رہائشی محمد ظفر اقبال نے آکھیا اے کہ اوہناں دا وفاقی وزیر سکندر بوسن نال قلبی تے روحانی تعلق اے۔ سکندر بوسن اک ایماندار بندہ اے۔ اوہ اوہناں لئی اپنا گردہ دان کرنا چاہندے نیں کیونکہ اِنج دے لیڈر دی ایس حلقے نوں بہت ضرورت اے۔ محمد ظفر اقبال دا کہنا سی کہ سکندر بوسن دی بیماری دی خبر اُتے اوہناں دے حلقہ این اے 151وچ ہر بندہ دُکھی اے تے اوہناں دی لمی عمر لئی دعا کر رہیا اے۔