موبائل فونز دا ضائع کیتا گیا ڈیٹا ریکور کر کے سوانیاں نوں ہراساں کرن والا ملزم گرفتار

موبائل فونز دا ضائع کیتا گیا ڈیٹا ریکور کر کے سوانیاں نوں ہراساں کرن والا ملزم گرفتار

لاہور(پاکستان پوائنٹ نیوز15۔فروری2018ء) ایف آئی اے دے سائبر کرائم ونگ نے ویچے گئے موبائل فونز توں ضائع کیتا گیا ڈیٹا ریکور کر کے سوانیاں نوں ہراساں کرن والے ملزم نوں گرفتار کر لیا اے۔ ایف آئی اے دے ڈپٹی ڈائریکٹر خالد انیس نے دسیا کہ اک کُڑی ولوں سائبر کرائم ونگ نوں شکایت کیتی گئی سی کہ وٹس ایپ اُتے مینوں بلیک میل کیتا جا رہیا اے۔ جہدے اُتے ایف آئی اے دے سائبر کرائم ونگ نے کارروائی کردے ہوئے ملزم حامد خورشید نوں میٹرو سٹیشن ملزنگ توں گرفتار کر لیا۔

ایف آئی اے مطابق ملزم پرانے موبائل فونز دی ویچ وٹک کردا سی۔ ملزم موبائل فونز توں ضائع کیتا گیا ڈیٹا ریکور کر کے سوانیاں نوں بلیک میل کر کے پیسیاں دی منگ کردا سی۔ ایف آئی اے نے ملزم خلاف مقدمہ درج کر دے ہوئے کارروائی شروع کر دتی۔