پشاور: عدالت نے 14ورھیاں دے بال نوں جیل گھل دتا

پشاور(پاکستان پوائنٹ نیوز12۔فروری2018ء) پشاور وچ عدالت نے 14ورھیاں دے بال نوں جیل گھل دتا اے۔ میڈیا رپورٹس مطابق عدالت نے پشاور وچ اک 14ورھیاں دے بال نوں جیل گھل دتا اے۔ بال اُتے آوارہ پھرن دا الزام لایا گیا سی۔ بال نے عدالت وچ بیان دیندے ہوئے آکھیا کہ مینوں کئی تھانیاں وچ رکھیا گیا تے ہن مینوں پشنخرہ تھانے منتقل کردتا گیا اے جتھے پولیس مینوں لگاتار زیادتی دا نشانہ بنا رہی اے۔ ۔پر ہن عدالت نے بال نوں جیل منتقل کر دتا اے۔ 14ورھیاں دے بال نوں اینے دن تھانے وچ رکھن اُتے کے پی کے دی مثالی پولیس دی کارکردگی اُتے سوال چُکے جا رہے نیں۔