بااثر بندیاں نے 15ورھیاں دے مُنڈے نوں گُڑ بنان والے گرم کڑاہے وچ سُٹ دتا

اوکاڑہ(پاکستان پوائنٹ نیوز07۔فروری2018ء) رینالہ خورد دے پنڈ اسلام پورہ وچ انسانیت سوزی دا دُکھ بھریا واقعہ ساہمنے آیا اے،بااثر بندیاں نے 15ورھیاں دے مُنڈے نوں گُڑ بنان والے گرم کڑاہے وچ سُٹ دتا۔ میڈیا رپورٹس مطابق اوکاڑہ دی تحصیل رینالہ خورد دے پنڈ اسلام پورہ وچ بااثر بندیاں نے ظلم دی آخیر کر دتی اے۔ معمولی جھیڑے اُتے 15ورھیاں دے مُنڈے نوں گُڑ بنان والے گرم کڑاہے وچ سُٹ دتا گیا۔کڑاہے وچ ڈِگن دی وجہ توں بلال دا جسم پوری طرحاں لوس گیا۔ بلال نوں خطرناک حالت وچ جناح ہسپتال لاہور منتقل کر دتا گیا اے۔ بلال دے گھر والیاں نے وزیر اعلا پنجاب میاں شہباز سریف توں ملزماں خلاف کارروائی دا مطالبہ کیتا اے۔