پشاور(پاکستان پوائنٹ نیوز15۔جنوری2018ء) پولیس نے نشے وچ دھت یونیورسٹی دی پڑھیارن نوں گرفتار کر لیا اے۔ تفصیل مطابق پشاور دے پوش علاقے حیات آباد وچ نشے وچ دھت پڑھیارن پولیس ہتھے چڑھ گئی۔ پولیس مطابق کُڑی روز ایس علاقے وچ نشہ کرن آؤندی سی تے آخیر اج پولیس نے اوہنوں گرفتار کر لیا۔ آئس دے نشے وچ دھت کُڑی یونیورسٹی دی سٹوڈنٹ اے جہنوں پولیس نے گرفتار کر لیا اے۔
کُڑی نوں ویمن پولیس سٹیشن منتقل کیتا گیا اے۔ ایس توں پہلاں سوشل میڈیا اُتے اک ویڈیو وائرل ہوئی اے۔ ویڈیو وچ کُڑی نوں نشہ کردے ویکھیا جا سکدا اے پر اجے پولیس ولوں ایہ نہیں دسیا گیا کہ ویڈیو وچ نظر آن والی کُڑی اوہو اے یاں کوئی ہور۔ پولیس مطابق کُڑی اجے تیکر نشے وچ اے۔ ایس لئی پُچھ گچھ نہیں کیتی جا سکدی۔ کُڑی دی عمر 20توں 25سال دسی گئی اے۔
