لاہور: شیرا کوٹ وچ نوجوان دی کھمبے اُتے چڑھ کے خدکشی دی کوشش

لاہور(پاکستان پوائنٹ نیوز06۔جنوری2018ء) لاہور دے علاقے شیراکوٹ وچ نوجوان نے کھمبے اُتے چڑھ کے خدکشی دی کوشش کیتی اے۔ نوجوان نوں کھمبے اُتے چڑھیا ویکھ کے لوکاں دی وڈی گنتی کھمبے ہیٹھاں جمع ہو گئی ، جہدے مگروں پولیس تے ریسکیو اہلکار وی موقعے اُتے اپڑ گئے نیں۔کھمبے اُتے چڑھے نوجوان نال مذاکرات کرن دی کوشش کیتی جا رہی اے۔ پر اجے تیکر نوجوان ولوں خدکشی دی کوشش دی وجہ ساہمنے نہیں آ سکی۔موقعے اُتے موجود ایس پی رانا عمر فاروق نے آکھیا کہ سانوں دس وجے اطلاع ملی جہدے اُتے پولیس چھیتی پہنچ گئی۔ پولیس دا کہنا اے کہ نوجوان نوں ریسکیو کرن لئی ٹریفک نوں بند کردتا گیا اے جدکہ لیسکو ٹیم دی اُڈیک وچ آں۔ لیسکو ٹیم دے اپڑدے ای آپریشن شروع کیتا جائے گا۔