اغوا برائے تاوان دے جرم وچ قید قیدی نے اسلام قبول کر لیا

ملتان(پاکستان پوائنٹ نیوز21۔دسمبر2017ء) اغوا برائے تاوان دے جرم وچ قید قیدی نے اسلام قبول کر لیا اے۔ تفصیل مطابق جہانیہ پولیس سٹیشن وچ اک قیدی نے اسلام قبول کر لیا اے۔ جیل وسیلیاں مطابق ملزم اغوا برائے تاوان دے کیس وچ مبینہ طور اُتے ملوث سی۔ جہانیہ پولیس سٹیشن دے ایس ایچ او چودھری حق نواز نے دسیا کہ 31ورھیاں د ے وقاص مسیح نے تفتیش دوران جیل وچ میرے ساہمنے کلمہ پڑھیا تے اعلان کیتا کہ اوہنے اسلام قبول کر لیا اے۔

ایس ایچ او نے دسیا کہ ملزم نے اپنا ناں بدل کے محمد وقاص رکھ لیا اے۔ وقاص دا کہنا سی کہ اوہ حضرت محمدﷺ دیاں تعلیمات توں متاثر اے۔ محمد وقاص نے دسیا کہ جیل وچ اک دوست قیدی نے اوہنوں اسلام بارے دسیا ، جہدے مگروں اوہنے اسلام قبول کرن دا فیصلا کیتا۔ وقاص اُتے الزام اے کہ اوہنے دو ورھے پہلاں اپنے دوست ناصر نوں اغوا کرکے تاوان دے بدلے 3.5ملین رُپئے لئے۔یاد رہوے کہ تن ہفتے پہلاں ڈی پی او خانیوال نے وقاص نوں کراچی توں گرفتار کیتا ۔ تحقیقات دوران پولیس نے ملزم نوں بے قصور قرار دتا اے پر آخری فیصلا عدالت ولوں کیتا جائے گا۔