کُڑی نے ویاہ لئی مُنڈا بن کے محبوبہ نوں اغواء کر لیا

گجرات(پاکستان پوائنٹ نیوز13۔دسمبر2017ء) گجرات دی کرن نے اپنی دوست ثمن نال ویاہ کرن لئی اوہنوں مُنڈا بن کے اغواء کر لیا۔ تفصیل مطابق اغوا ء دی ایہ دلچسپ واردات گجرات وچ ہوئی جتھے اک کُڑی نے دوجی کُڑی نال ویاہ کرن لئی اوہنوں اغواء کر لیا اے۔ ثمن دے والد دا کہنا اے کہ کرن تے ثمن وچ ڈونگھی دوستی سی پر ہولی ہولی ایہ دوستی غلط رنگ وٹا گئی تے کرن چاہندی سی کہ اوہ ثمن نال ویاہ کر لوے۔ ثمن دے والد دا کہنا سی کہ میں شروع وچ کرن نوں سمجھایا کہ اِنج کرنا نہ صرف ساڈے معاشرے وچ قبول جوگ نہیں اے بلکہ اسلام وی ایہدی اجازت نہیں دینداپر کرن نہ منی تے کرن تے ثمن نال ویاہ کرن لئی اوہنوں مُنڈا بن کے اغواء کر لیا اے۔ثمن دے والد نے پولیس نوں اپنی دھی دے اغواء دی رپورٹ درج کروا دتی اے۔