جوڑے نوں پسند دا ویاہ کرنا مہنگا پے گیا

لاہور(پاکستان پوائنٹ نیوز08۔دسمبر2017ء) راولپنڈی وچ ماجد نامی نوجوان نے امانت راول دی بھتیجی نال پسند دا ویاہ کیتا پر اوہ ویاہ جوڑے نوں مہنگا پے گیا اے۔ میڈیا رپورٹس مطابق کُڑی دے گھر والیاں نے پسند دا ویاہ کرن والے جوڑے دی زندگی عذاب بنا دتی اے۔ ایس سلسلے وچ ماجد اُتے اپنی بیوی نوں طلاق دین دا دباء پایا جا رہیا اے پر ماجد دا کہنا اے کہ اسیں مرضی دا ویاہ کیتا اے، اسیں کدی وی اک دوجے توں وکھ نہیں ہوسکدے۔ ماجد دا کہنا سی کہ ساڈے گھر والے چاہندے نیں کہ اسیں وکھ ہو جائیے ، جہدے لئی اوہ نویں نویں طریقے لبھ رہے نیں۔