ہری پور(پاکستان پوائنٹ نیوز04۔دسمبر2017ء) انسانیت دی تذلیل دا شرمناک واقعہ ساہمنے آ گیا اے، ہری پور وچ پیو نے سوتیلی دھی نال زبردستی ویاہ کر لیا اے۔ تفصیل مطابق انسان دی ہوس کدی کدی اوہنوں انسانیت توں وی ڈِگا دیندی اے۔ انسان کدی اجیہاں حرکتاں وی کر بِہندا اے کہ انسانیت وی شرما جاندی اے۔ اجیہا واقعہ ای خیبرپختونخوا دے شہر ہری پور وچ پیش آیا اے جتھے پیو نے اپنی سوتیلی دھی نال زبردستی نکاح کر لیا اے۔
کُڑی دی ماں وی ملزم دے نکاح وچ اے۔ ایس صورتحال وچ اوہدی بیوی ای اوہدی سس وی بن گئی اے۔ بیوی نوں جیویں ای ایس بارے پتا لگا تے اوہنے پولیس نوں شکایت درج کروا دتی۔ پولیس نے شکایت درج کردے ہوئے شوہر نوں گرفتار کرکے تحقیقات شروع کر دتیاں نیں۔دوجے پاسے علماء کرام نے ایس فعل نوں حرام قرار دتا اے۔
