فیصل آباد: دماغی روگن سوانی نے خاوند نال جھیڑے مگروں اپنے ڈھائی ورھیاں دے پُتر نوں ذبح کر دتا

فیصل آباد(پاکستان پوائنٹ نیوز24۔نومبر2017ء) دماغی روگن سوانی نے خاوند نال جھیڑے مگروں اپنے ڈھائی ورھیاں دے پُتر نوں ذبح کر دتا اے۔ تفصیل مطابق تھانہ ساہیوانوالا دے چک نمبر 18دی رہائشی دماغی روگن نصرت بی بی دا اپنے خاوند نال جھیڑا ہویا، جھیڑے مگروں نصرت بی بی نے غصے وچ آکے اپنے ڈھائی ورھیاں دے پُتر ریحان نوں کلہواڑیاں نال وار کر کے ذبح کر دتا تے موقعے توں فرار ہو گئی۔ علاقہ واسیاں مطابق سوانی دا دماغ ٹھیک نہیں سی۔ نصرت بی بی اپنے خاوند نال وی آئے دن لڑدی رہندی سی۔ پولیس نے معصوم بال دی لاش قبضے وچ لے ہسپتال منتقل کر دتی اے۔