پنجاب یونیورسٹی اورینٹل کالج لاہور دے شعبہ پنجابی ولوں ’پنجابی ادبی مجلس‘ دے عہدے داراں دا چناؤ کر لیا گیا

لاہور(پاکستان پوائنٹ نیوز17۔نومبر2017ء) پنجاب یونیورسٹی اورینٹل کالج لاہور دے شعبہ پنجابی ولوں ’پنجابی ادبی مجلس‘ دے عہدے داراں دا چناؤ کر لیا گیا اے۔ رپورٹ مطابق ادبی مجلس دے سرپرست اعلی چیئرمین شعبہ پنجابی پروفیسر ڈاکٹر نبیلہ رحمن، انچارج ڈاکٹر سعاد ت علی ثاقب، صدر اظہار مدنی خالد،نائب صدر، زاہد مصطفی تے صلاح الدین، جنرل سیکرٹری، روزینہ شاہین، جوائنٹ سیکرٹری ، فاطمہ قریشی، پریس سیکرٹری ملک اسد فاروق تے خاور عباس، فنانس سیکرٹری عرفان فضل جدکہ آفس سیکرٹری سدھیر سائیں ہون گے۔

ایس توں وکھ مجلس عاملہ وچ سید فرمان علی شاہ‘ صباء خان‘ قاسم متین‘ فضل احمد چشتی شامل نیں۔یاد رہوے کہ پنجاب یونیورسٹی اورینٹل کالج دے شعبہ پنجابی دی ’پنجابی ادبی مجلس‘ ہر ہفتے یونیورسٹی وچ اک ادبی سیشن دا آہر کردی اے۔ جہدے وچ شعبے دے اُستاداں توں وکھ پڑھیاراں دی وڈی گنتی رلتی ہوندی اے۔