سیالکوٹ:کباباں دی پکوائی دوران دھواں کیوں نکلدا اے؟ پولیس نے کباب ویچن والے خلاف انوکھا مقدمہ درج کر لیا

سیالکوٹ(پاکستان پوائنٹ نیوز31۔اکتوبر2017ء) کباباں دی پکوائی تے کوئلے دے بلن نال دھواں اُٹھن اُتے سیالکوٹ پولیس نے کباب ویچن والے خلاف مقدمہ درج کر لیا اے۔ تفصیل مطابق سیالکوٹ پولیس نے انوکھا کارنامہ انجام دیند ے ہوئے کباب ویچن والے خلاف عجیب منطق اُتے مبنی مقدمہ درج کر لیا اے۔ ایف آئی آر دے متن وچ لکھیا گیا اے کہ کباباں دی پکوائی دوران کوئلا سڑن نال دھواں نکلدا اے۔ ایہ دھواں شہریاں لئی چنگا نہیں، دھواں اوہناں لئی پریشانی دی وجہ بندا اے۔ ایس مقدمے دے درج ہون مگروں پولیس نے کباب ویچن والے دی گرفتاری لئی چھاپہ ماریا پر اوہ فرار ہو گیا۔