لاہور وچ وی چاقو مار ملزم سرگرم‘ 1کُڑی زخمی

لاہور(پاکستان پوائنٹ نیوز20۔اکتوبر2017ء) کراچی مگروں لاہور وچ وی چاقو مار گروہ سرگرم ہو گیا‘ چھرا مار نے غالب مارکیٹ وچ اک نوجوان کُڑی اُتے چاقو نال حملا کر دتا‘ حملے دے نتیجے وچ کُڑی دی بانہہ زخمی ہو گئی۔میڈیا رپورٹس مطابق کراچی وچ پولیس لاپرواہی کارن اجے تیکر چھرا مار ملزم گرفتار نہ ہو سکیا۔ پر چھرا مار ملزماں نے لاہور وچ وی وارداتاں شروع کر دتیاں نیں۔ اج غالب مارکیٹ وچ دو موٹر سائیکل سوار ملزماں نے راہ جاندی کُڑی نوں چاقو نال زخمی کر دتا۔ جہدے نتیجے اوہ زخمی ہو گئی جہنوں ڈاکٹری امداد لئی ہسپتال منتقل کیتا گیا، جدکہ ملزم موقع توں فرار ہون وچ کامیاب ہو گئے۔ پولیس نے ملزماں خلاف قانونی کارروائی شروع کر دتی اے۔