محرم الحرام :لاہور پولیس نے سکیورٹی پلان تیارکر لیا‘ پاک فوج دیاں خدمتاں وی لِتیاں جان گیاں

لاہور(پاکستان پوائنٹ نیوز22۔ستمبر2017ء) لاہور پولیس نے محرم الحرام دے سلسلے وچ سکیورٹی پلان تیار کر لیا اے‘ 16ہزار توں ودھ اہلکار و افسراں دے نال نال پاک فوج وی خدمتاں انجام دیوے گی۔تفصیل مطابق لاہور پولیس دا کہنا اے کہ محرم الحرام دوران مجلساں تے جلوساں نوں ویلے دا پابند بنایا جائے گا۔ 14ایس پیز‘ 36ڈی ایس پیز‘ 102انسپکٹر تے ایس ایچ اوز سنے 16ہزار توں ودھ نفری سکیورٹی ڈیوٹیاں اُتے تعیناتی کیتی جا رہی اے۔ ایس توں وکھ ضلعی انتظامیہ ولوں پاک فوج نوں وی سکیورٹی صورتحال نوں کنٹرول کرن لئی درخاست کیتی گئی اے۔