کراچی(پاکستان پوائنٹ نیوز09۔ستمبر2017ء) فاٹا دے علماء نے موسیقی دا سامان ساڑن اُتے معافی منگ لئی اے۔ تفصیل مطابق فاٹا دے علماء نے اپنے ایس کم اُتے اک تحریری معافی نامہ جاری کیتا اے۔ معافی نامے وچ اوہناں نے موسیقی دا سامان ساڑن تے قانون نوں اپنے ہتھ وچ لین اُتے پچھتاوے دا اظہار کیتا۔ یاد رہوے کہ کُجھ دن پہلے فاٹا دے علماء کرام دی موسیقی دے سامان نوں ساڑن دی ویڈیو ساہمنے آئی سی ۔
ویڈیو و چ علماء کرام نے دسیا سی کہ اسیں مختلف ویاہواں دیاں تقریباں اُتے چھاپیاں دوران قبضے وچ لِتے گئے موسیقی دے سامان نوں اگ لا رہے نیں۔علماء دی ایہ ویڈیو سوشل میڈیا اُتے بہت مبقول ہوئی۔ویڈیو ساہمنے آؤندے ای سوشل میڈیا ورتیندڑاں نے وی اوہنوں ڈاڈھی تنقید دا نشانہ بنایا۔ کُجھ و سیلیاں مطابق ایس سامان نوں خیبر ایجنسی وچ اگ لائی گئی۔ جہدے مگروں مولانا الیاس بنوری‘ مولانا جی تے مولانا محمد اسحاق بنوری نے اک تحریری معافی نامہ جاری کیتا۔
