بلیو وہیل کھیڈن مگروں میں اپنا ہتھ وڈھ لیا: بلیو وہیل دی متاثرا بالڑی دا بیان

بلیو وہیل کھیڈن مگروں میں اپنا ہتھ وڈھ لیا: بلیو وہیل دی متاثرا بالڑی دا بیان

لاہور(پاکستان پوائنٹ نیوز09۔ستمبر2017ء) بلیو وہیل گیم کھیڈن والی متاثرا بالڑی دا کہنا سی کہ گیم کھیڈ کے میری حالت اجیہی ہو گئی سی کہ میں بغیر سوچے سمجھے اپنا ہتھ وڈھ لیا۔ تفصیل مطابق بلیو وہیل نامی خطرناک گیم ایس ویلے میڈیا دی زینت بنی ہوئی اے۔ ایس خطرناک گیم نے نوجوان نسل وچ خوف کھلار دتا اے۔ گیم دی متاثرا بالڑی نے ہسپتال وچ میڈیا نال گل بات کردے ہوئے آکھیا کہ میں بلیو وہیل بارے ٹی وی اُتے سنیا تے شروع وچ مینوں ایہ سارا کُجھ کہانی لگی پر میں گیم ڈاؤن لوڈ کرن دا فیصلا کیتا۔

ڈاؤن لوڈ کرن مگروں میں دو گھنٹے گیم کھیڈی۔ ایس گیم نوں کھیڈ کھیڈ کے میری ذہنی حالت اجیہی ہو گئی سی کہ میں بغیر سوچے سمجھے اپنا ہتھ وڈھ لیا۔ ایس گیم وچ چیٹ دوران مینوں آکھیا گیا کہ دو‘ تن دن اندر تہاڈے نال اجیہا ہوئے گا جہدے توں تُسیں ڈر جاؤ گے۔