کراچی(پاکستان پوائنٹ نیوز24۔اگست2017ء) جنور منڈی کراچی وچ جنوراں نوں جعلی دند لا ن والا ملزم گرفتار کر لیا گیا۔ انتظامیہ نے جعلی دنداں والیاں 11گاواں قبضے وچ لے لئیاں جدکہ ملزم نوں پولیس دے کر دتا گیا اے۔ میڈیا رپورٹس مطابق کراچی وچ جنور منڈی وچ فراڈیاں نے قربانی دے جنوراں نوں ماربل دے دند لانے شروع کر دتے۔ اک گاہک دی شکایت اُتے انتظامیہ نے جنور منڈی وچ کریک ڈاؤن کیتا۔
انتظامیہ نے ماربل دے دنداں والیاں 11گاواں پھڑ لئیاں۔ایس توں وکھ جعلی دند لان والے ملزم نوں پولیس دے حوالے کر دتا گیا اے۔ایسے طرحاں ضلعی انتظامیہ نے جعلی دند والیاں گاواں مُل لین والیاں نوں اوہناں دے پیسے وی واپس کرا دتے نیں۔ ایس توں وکھ قربانی دے جنوراں نوں نقلی سِنگھ لان دا دھندا وی جاری اے۔ تھوڑے تے چھینی دی مدد نال نقلی سِنگھ نوں اصلی شکل دتی جاندی اے۔
