کلبھوشن یادیو نوں پھانسی دین دا کوئی فائدا نہیں ہوئے گا: پرویز مشرف

دبئی(پاکستان پوائنٹ نیوز09۔اگست 2017ء) پرویز مشرف دا کہنا اے کہ کلبھوشن یادیو نوں پھانسی دین دا کوئی فائدا نہیں ہوئے گا۔ تفصیل مطابق سابق صدر و آرمی چیف پرویز مشرف نے نجی ٹی وی چینل دے پروگرام وچ گل بات کردے ہوئے آکھیا اے کہ اوہناں دی رائے وچ کلبھوشن یادیو نوں پھانسی دین دا کوئی فائدا نہیں ہوئے گا۔ پرویز مشرف دا کہنا سی کہ اوہ پھانسی دی سزا دے مخالف نیں ایس لئی اوہناں دی رائے وچ کلبھوشن یادیو نوں پھانسی نہیں دتی جانی چاہیدی۔ اوہناں دا کہنا سی کہ اک انسان دی پھانسی نال کوئی فرق نہیں پئے گا۔