سلطان کھاروی دا شعری پراگا ’’ پُونیاں ‘‘ چھپ گیا

سلطان کھاروی دا شعری پراگا ’’ پُونیاں ‘‘ چھپ گیا

اسلام آباد(پاکستان پوائنٹ نیوز03۔اگست 2017ء) سلطان کھاروی دا شعری پراگا ”پونیاں“ چھپ گیا اے۔ تفصیل مطابق
ایس کتاب نوں بڑے سوہنے ڈھنگ نال گلشن ادب پبلیکشنز لاہور ولوں چھاپیا گیا اے۔ایس پراگے وچ اجوکے دور دیاں مسئلیاں نوں بیان کردیاں نظماں توں وکھ ۲۶ غزلاں وی شامل نیں۔چیتے رہوے کہ سلطان کھاروی ہوراں دا ناں پنجابی شاعری دے حوالے نال منّیا پرمنیا ناں اے۔

اوہناں دے شعری پراگے ’’ کرلاپ‘‘۔ ’’ولگن‘‘۔’’مِٹی نال پریت ‘‘۔ ’’ واچھڑ ‘‘ توں وکھ بالاں واسطے نظماں دے مجموعے ’’بال بلونگے ‘‘ تے ’’ چڑئیے گیت سُنا ‘‘ چھپ چُکے نیں۔ایس توں وکھ اوہناں دی کہانیاں دی کتاب ’’ تِڑکے گھڑے ‘‘ تے گئے گواچے سجناں بارے لیکھ ’’ مُکھ مورتاں دے ‘‘ سرناویں ہیٹھ چھپ کے پڑھنہاراں توں مانتا کھٹ چُکیاں نیں۔اپنیاں لکھتاں دی وجہ توں اوہناں نوں کئی ایوارڈز نال وی سنمان دِتا گیا اے جہناں وچ مسعود کھدر پوش ایوارڈ،بُلھے شاہ ایوارڈ،رضیہ فرخ ایوارڈ تے ہور کئی ایوارڈ شامل نیں۔