کراچی دیاں سڑکاں اُتے پالتو شیر دی سیر: پولیس نے شیر دے مالک نوں گرفتار کر لیا

کراچی(پاکستان پوائنٹ نیوز15۔جون2017ء) کراچی دیاں سڑکاں اُتے پچھلے دِنا ای اک گڈی وچ پالتو شیر دے سیر کرن دی ویڈیو سوشل میڈیا اُتے وائرل ہوئی جہنوں ورتیندڑاں نے ویکھیا تے اپنے اپنے خدشیاں دا وکھالا کیتا۔ جہدے اُتے صوبائی وزیر داخلا سہیل انور سیال نے نوٹس لیند ے ہوئے پالتو شیر دے مالک خلاف کارروائی دا حکم دیندے ہوئے ہدایت کیتی کہ ثقلین عرف شیر والا تے اوہدے پالتو شیر نوں گرفتار کر لیا جائے۔ جہدے مگروں ہن پولیس نے ذکر کیتے گئے بندے نوں گرفتار کر لیا اے۔ گلبرگ پولیس سٹیشن وچ میڈیا نال گل بات کردے ہوئے شیر دے مالک ثقلین نے دسیا کہ ساڈے کول ساریاں دستاویزات نیں۔ سوشل میڈیا اُتے وائرل ہوئی ویڈیو چار دن پرانی اے۔ میرا شیر بیمار سی اوہنوں ڈیفنس وچ موجود ڈاکٹر کول لے کے گیا سی تے گھر واپسی اُتے ایہ ویڈیو بنائی گئی۔ ایس ایس پی سینٹرل پولیس مقدر حیدر دا کہنا اے کہ ثقلین کول لائسنس ہے اے۔ اسیں معاملے دی ہور تفتیش کر رہے آں۔ اوہناں نے آکھیا کہ شیر دے مالک ولوں دتے گئے لائسنس دی تصدیق کروائی جا رہی اے۔