کراچی(پاکستان پوائنٹ نیوز03۔جون2017ء) کُجھ دن پہلے کراچی وچ اک پر اسرار بُو نے ڈیرا لا لیا سی جہدے توں شہری ڈاڈھے پریشان ہو گئے سن پر ہن ڈبلیو ڈبلیو ایف پاکستان ولوں جاری بیان وچ دسیا گیا اے اوہ بُوپانی وچ رہن والی مخلوق دے گلن سڑن دی وجہ توں کھلری سی۔ ورلڈ وائلڈ فنڈ فار نیچر پاکستان (ڈبیلو ڈبلیو ایف۔۔پی) مطابق پاکستان دے سمندر اُتے ہرے رنگ دی آبی جنوراں دی کالونی، جہنوں ’بلوم‘ آکھیا جاندا اے، چالو ورھے فروری دے شروع وچ وکھالی دین لگی جدکہ مارچ تے اپریل تیک اوہناں دی گنتی وچ وادھا ہو گیا سی۔
ایس پانی وچ رہن والی مخلوق وچ اینا وادھا ہویا کہ کراچی دے کُجھ علاقیاں وچ پانی دا رنگ بدل کے ہرا ہو گیا ۔ ایس پانی وچ رہن والی مخلوق دی شناخت `Noctiluca secintillans`دے ناں توں کیتی گئی اے۔ جہنوں عام زبان وچ ’سی سپارکل‘ آکھیا جاندا اے۔ ڈبلیو ڈبلیو ایف پاکستان وچ فشریز دے تکنیکی مشیر محمد معظم دا کہنا اے کہ ایہ پہلا موقع اے کہ ایس آبی حیات دے گلن سڑن دے نتیجے وچ اینی بُو پیدا ہوئی کہ لوکاں نے اوہنوں محسوسیا۔
