اوڑماڑہ میونسپل کمیٹی نے ڈیزائن والیاں داڑھیاں اُتے پابندی لا دتی

اوڑماڑہ میونسپل کمیٹی نے ڈیزائن والیاں داڑھیاں اُتے پابندی لا دتی

گوادر(پاکستان پوائنٹ نیوز26۔مئی2017ء) بلوچستان دے ضلع گوادر دے علاقے اوڑماڑہ وچ داڑھیاں دے ڈیزائن اُتے پابندی لا دتی گئی اے۔ تفصیل مطابق ضلع گوادر دے علاقے اوڑماڑہ دی میونسپل کمیٹی نے روزیاں دی آمد توں پہلے چیئرمین عامر اقبال دی سربراہی وچ اک اجلاس سدیا۔ اجلاس وچ جمعیت علمائے اسلام (ف) دے مقامی رہنما مولوی محمد امین نے ڈیزائن والیاں داڑھیاں اُتے اعتراض چُکدے ہوئے آکھیا کہ اجیہیاں داڑھیاں اسلامی شریعت خلاف نیں۔

اوہناں نے آکھیا کہ ڈیزائن والیاں داڑھیاں توہین مذہب دے زمرے وچ آﺅندیاں نیں جہدا حل کڈھیا جانا چاہیدا۔ مقامی رہنما دے اعتراض اُتے میونسپل چیئرمین نے نائیاں نوں ایس گل دا پابندکیتا کہ اوہ داڑھیاں اُتے ڈیزائن نہ بنان۔ میڈیا نال گل بات کردے ہوئے مولوی امین دا کہنا سی کہ ایس اجلاس وچ نائیاں نوں ہدایت کیتی گئی اے کہ اوہ کسے وی بندے دی داڑھی اُتے ڈیزائن نہ بنان۔