لاہور دے مقامی تھانے وچ پہلی وار سوانی ایس ایچ او تعینات

لاہور(پاکستان پوائنٹ نیوز23۔مئی2017ء) ایہ گل سچ اے کہ اج دے دورے وچ سوانیاں نے ہر شعبے وچ مرداں دے موڈھے نال موڈھا جوڑ کے کم کرنا شروع کر دتا اے۔ اجیہی ای اک سوانی لاہور دے مقامی تھانے وچ ایس ایچ او دے طور اُتے تعینات ہوئی اے۔ 19ورھیاں مگروں غزلہ شریف نے لاہور دے علاقے تھانا رنگ محل وچ بطور ایس ایچ او اپنیاں ذمے واریاں انجام دینیاں شروع کر دتیاں نیں۔ غزالہ شریف لاہور وچ ایس ایچ او تعینات ہون والی پہلی سوانی اے۔ عزالہ دا کہنا اے کہ معاشرے توں نشے دا خاتمہ اوہدی پہلی ترجیح اے۔ تھانے وچ پہلی وار سوانی افسر دی تعیناتی اُتے تھانے دا عملا ایہنوں چنگا تجرباقرار دے رہیا اے۔ عزالہ شریف دا بطور ایس ایچ او تعینات ہونا بدلدے پاکستانی دی عکاسی کردا اے۔