فیصل آباد: پنجاب پولیس دے اے ایس آئی نے ساتھیاں سنے سابقہ بیوی نوں زیادتی دا نشانا بنا دتا

فیصل آباد(پاکستان پوائنٹ نیوز15۔مئی2017ء) فیصل آباد وچ پنجاب پولیس دے اے ایس آئی نے ساتھیاں نال رلکے سابقہ بیوی نوں زیادتی دا نشانابنان دے نال نال ویڈیو بنا کے ونڈ دتی۔ تفصیل دے مطابق فیصل آباد وچ طاقت دے نشے وچ مست پولیس دے اے ایس آئی بابر نے اپنے ساتھیاں نال رلکے اپنی سابقہ بیوی نوں زیادتی دا نشانا بنا دتا۔ اے ایس آئی بابر نے ساتھیاں نال رلکے ناصرف سابقہ بیوی نوں اجتماعی زیادتی دا نشانا بنایا بلکہ اوہدی ویڈیو وی ریکارڈ کرکے ونڈ دتی۔متاثرا سوانی دا کہنا اے ایس آئی بابر نے اوہنوں پچھلے ورھے طلاق دتی۔ متاثرا سوانی دی درخاست اُتے پولیس نے کارروائی کردے ہوئے بابر نوں معطل کرن دے نال نال گرفتار کر لیا اے۔