پنجاب دے تعلیمی اداریاں وچ گرمیاں دیاں چھٹیاں دا شیڈول جاری کر دتا گیا

لاہور(پاکستان پوائنٹ نیوز13۔مئی2017ء) پنجاب بھر دے تعلیمی اداریاں وچ گرمیاں دیاں چھٹیاں دا شیڈول جاری کر دتا گیا اے۔ تفصیل دے مطابق محکمہ تعلیم پنجاب ولوں جاری شیڈول وچ دسیا گیا اے کہ چالو ورھے گرمیاں دیاں چھٹیاں 25مئی توں 14اگست تک ہون گیاں۔ محکمہ تعلیم نے تعلیمی اداریاں وچ گرمیاں دیاں چھٹیاں دا باقاعدا نوٹی فکیشن وی جاری کر دتا اے۔ گرمیاں دیاں چھٹیاں دا فیصلا گرمی وچ وادھے تے گرمی دی ودھدی ہوئی شدت کارن کیتا گیا اے۔