لاہور دے رہائشی نوں ’داعش‘ ولوں مبینہ دھمکی والا خط ملیا اے

لاہور(پاکستان پوائنٹ نیوز01۔اپریل2017ء) لاہور دے رہائشی نوں ’داعش‘ ولوں مبینہ دھمکی والا خط ملیا اے۔ تفصیل دے مطابق شاد باغ دے رہائشی محمد اکرم نوں اک خط ملیا اے جو 30تاریخ نوں پوسٹ ہویا۔ خط اندر محمد اکرم بارے ڈاڈھیاں معلومات لکھیاں ہوئیاں سن۔ نجی ٹی وی چینل دے مطابق شہری نوں ملن والے خط وچ کوئی بھتہ نہیں منگیا گیا بلکہ آکھیا گیا اے کہ تُسیں ہن تک اینی دولت ہون مگروں وی کوئی فلائی کم نہیں کیتا۔

جے پولیس نوں اطلاع کیتی تے تہاڈا گھر دھماکے نال اُڈا دتا جائے گا۔ خط دے آخیر وچ سیکٹر کمانڈر ’داعش انٹرنیشنل‘ درج سی۔ پولیس نے ذکر کیتے گئے خط بارے تحقیقات شروع کر دتیاں نیں۔ پولیس دا کہنا اے کہ ایہ خط پشاور توں پوسٹ کیتا گیا اے ایس لئی پشاور دے ڈاکخانے توں خط گھلن والے بارے تحقیقات کر رہے آں۔