یوسی 73گجرات: (ن) لیگ دی تھاں مسلم لیگ (ق) دا امیدوار کامیاب

الیکشن ٹربیونل نے دوبارا گنتی مگروں فیصلا سُنا دتا:چودھری سجاعت تے پرویز الہی دی حسن بلال نوں مبارکباد

یوسی 73گجرات: (ن) لیگ دی تھاں مسلم لیگ (ق) دا امیدوار کامیاب
الیکشن ٹربیونل نے دوبارا گنتی مگروں فیصلا سُنا دتا:چودھری سجاعت تے پرویز الہی دی حسن بلال نوں مبارکباد

لاہور(پاکستان پوائنٹ نیوز21۔مارچ2017ء) الیکشن ٹربیونل گجرات نے (ن) لیگ دے محمد انور دی کامیابی نوں کالعدم قرار دیندے ہوئے یونین کونسل73کرناناں وچ ووٹاں دی دوبار اگنتی مگروں پاکستان مسلم لیگ (ق) دے امیدوار چودھری حسن بلال نوں چیئرمین دے عہدے لئی کامیاب قرار دے دِتا اے جہدے اُتے پارٹی قائدین چودھری شجاعت حسین، چودھری پرویز الہی تے مونس الہی نے اوہناں نوں مبارکباد دِتی۔

چودھری حسن بلال نے سیا کہ (ن) لیگ دے امیدوار دی دھاندلی خلاف اسیں پٹیشن وچ موقف اختیار کیتا سی کہ الیکشن وچ 1272ووٹ کاسٹ ہوئے پر رزلٹ وچ 1164ووٹ شامل سن تے 108ووٹ غائب ہو گئے جدکہ 37ووٹاں توں (ن) لیگ دے امیدوار نوں کامیاب قرار دے دِتاگیا سی۔ اوہناں دا کہنا سی کہ ساڈی درخاست اُتے ٹربیونل دے جج مسٹر عبدالرحمن نے دوبارا گنتی کروائی تے اکثریت حاصل کرن اُتے پاکستان مسلم لیگ دے امیدوار نوں کامیاب قرار دِتا۔