گوجرانوالا(پاکستان پوائنٹ نیوز17۔مارچ2017ِء) سوشل میڈیا اُتے کئی کُڑیاں نال دوستی کرن تے اوہناں نال ویاہ دے وعدے کرن والا گوجرانوالا دا نوجوان اپنے ویاہ توں دو دن پہلے اغوا ہو گیا۔ پولیس دے مطابق حمزہ نے گوجرانوالا دے پوش علاقے وچ اپنی موبائل دی دُکان کھولی ہوئی سی۔ حمزہ نوں اوہدی دُکان توں ای اغوا کر لیا گیا۔ مڈھیلیاں تحقیقات دے مطابق حمزہ دے موبائل توں ملن والے ڈیٹا توں پتا لگا اے کہ حمزہ نے کئی کُڑیاں نال دوستی رکھی ہوئی سی۔
پولیس نے دسیا کہ حمزہ جہڑیاں جہڑیاں کُڑیاں نال رابطے وچ سی اوہناں نوں تفتیش وچ شامل کیتا جا رہیا اے۔ پولیس نے دو کُڑیاں سنے تن بندیاں خلاف مقدما درج کر کے 7کُڑیاں نوں تفتیش وچ شامل کر لیا اے۔ سارےاں کُڑیاں نے ایہو آکھیا کہ اغوا ہون والے نوجوان حمزہ نے ساڈے نال ویاہ دا وعدا کیتا سی۔ حمزہ دی ماں نے میڈیا نوں دسیا کہ 18مارچ نوں حمزہ دا ویاہ سی۔ حمزہ دے والد نے دسیا کہ حمزہ دی بازیابی لئی ساڈے توں 50لکھ رُپئے تاوان دا مطالبا کیتا جا رہیا اے کہ پولیس اجے تک ملزماں خلاف کارروائی نہیں کر رہی۔
