پشاور(پاکستان پوائنٹ نیوز17۔مارچ2017ء) سائبر کرائم بل دے تحت ایف آئی اے نے سابق اُستانی نوں بلیک میل کرن والے نوجوان نوں گرفتار کر لیا اے۔ نوجوان نوں سابق اُستانی نوں بلیک میل کرن دے الزام وچ اسلامیہ کالج پشاور توں گرفتار کیتا گیا۔ نوجوان اُتے اپنی سابق اُستانی نوں بلیک میل کرن تے اُستانی دیاں اعتراض جوگ تصویراں سوشل میڈیا اُتے اپ لوڈ کرن دا الزام اے۔
تفصیل دے مطابق پشاور دے سائبر کرائم پولیس سٹیشن دے ایس ایچ او عدنان جان دی سربراہی وچ اسلامیہ کالج وچ چھاپا مار کے نوجوان نوں گرفتار کر لیا گیا۔ ایف آئی اے دے افسر نے دسیا کہ سانوں شکایت ملی سی کہ شاہین سکول دی اک اُستانی نوں نامعلوم بندا بلیک میل کر رہیا اے۔ ملزم نے سماجی رابطے دی ویب سائٹ فیس بک اُتے اک جعلی اکاﺅنٹ بنا کے سابق اُستانی دیاں اعتراض جوگ تصویراں اپ لوڈ کیتیاں۔ ایف آئی اے افسر دا کہنا سی کہ ملک اندر سائبر کرائم عام اے پر ایس کیس وچ حیراکن گل ایہ سی کہ ملزم اپنی سابق اُستانی نوں بلیک میل کر رہیا سی۔ ایف آئی اے نے ملزم خلاف مقدما درج کر لیا اے۔
