پاکستان آئے قطری شہزادیاں دی گڈی دی غریب سوانی نوں ٹکر، لَک دی ہڈی ٹٹ گئی

پاکستان آئے قطری شہزادیاں دی گڈی دی غریب سوانی نوں ٹکر، لَک دی ہڈی ٹٹ گئی

سیہون شریف(پاکستان پوائنٹ نیوز18۔فروری2017ء) سیہون شریف وچ لعل شہباز قلندر دی درگاہ اُتے آپ مارو دھماکا ہویا، دھماکے دے نتیجے وچ 85بندے شہید جدکہ 300توں ودھ زخمی ہوئے۔ لعل شہباز قلندر دے احاطے دی صفائی مگروں اوتھے دھماکے دے نتیجے وچ شہید ہون والے بندیاں دی باقیات نوں کوڑے وچ ای سُٹ دِتا گیا۔ کوڑے وچ شہیداں دی باقیات دی موجودگی تے اوہناں دی بے حرمتی دی ویڈیو ساہمنے آن مگروں انتظامیا حرکت وچ آ گئی تے فوری طور اُتے شہیداں دی باقیات نوں کوڑے وچوں کڈھن دا حکم جاری کر دِتا۔

ایس توں وکھ علاقا واسیاں نے دسیا کہ شہیداں دی باقیات دی تدفین دی بجائے اوہناں دی بے حرمتی کیتی گئی جدکہ باقیات دی کوڑے وچ موجودگی پاروں لاگے دے علاقیاں وچ بُو کِھلرن دے نال نال بیماریاں لگن دا خدشا ظاہر کیتا جا رہیا سی۔ ایس سلسلے وچ صوبائی وزیر تے پیپلز پارٹی دے رہنما منظور وسان دا کہنا اے کہ میں کل کراچی وچ سی تے ہن سکھر وچ آں، میری شہیداں دے وارثاں نال گل ہوئی پر اوہناں ولوں ایس طرحاں دی کوئی شکایت ساہمنے نہیں آئی۔ منظور وسان نے آکھیا کہ میں سیہون وچ نہیں گیا پر جے انج ہویا اے تے شہیداں دی بے حرمتی کیتے جان اُتے ذمے واراں نوں سخت سزا دِتی جانی چاہیدی۔ اوہناں نے یقین دہانی کروائی کہ ذمے واراں خلاف سخت کارروائی کیتی جائے گی۔