کسے ہور نال تعلق دیاں گلاں بے بنیاد نیں، انج کرنا ہوندا تے ویاہ ای کیوں کردی؟ پولیس حراست وچ دلہن دی گل بات

کسے ہور نال تعلق دیاں گلاں بے بنیاد نیں، انج کرنا ہوندا تے ویاہ ای کیوں کردی؟ پولیس حراست وچ دلہن دی گل بات

لاہور(پاکستان پوائنٹ نیوز13۔فروری2017ء) پچھلی رات لاہور دے علاقے شفیق آباد وچ دُلہے اُتے فائرنگ ہوئی، فائرنگ دے نتیجے وچ دُلہا ڈاڈھا زخمی ہو گیا۔پولیس نے دُلہے دے والد دی مدعیت وچ مقدما کردے ہوئے دُلہن سنے دو بندیاں نوں گرفتار کر کے تفتیش شروع کر دِتی سی، پولیس حراست وچ دُلہن زارا بی بی دا کہنا اے کہ فائرنگ کرن والیاں بارے مینوں کُجھ نہیں پتا۔

زارا نے آکھیا کہ کسے نال تعلقات نہیں، ایس طرحاں دے الزام بے بنیا دتے جھوٹھے نیں ۔ زارا دا کہنا سی کہ جے میرا کسے نال تعلق ہوندا تے ویاہ ای کیوں کردی؟ رپورٹر نے دُلہن توں سوال کیتا کہ تہاڈے بارے دُلہے دا بیان وی ساہمنے آیا اے کہ جدوں وی اوہ تہانوں دبئی توں فون کردا تے تہاڈا نمبر دو دو گھنٹے رُجھیا رہندا سی۔ جہدے اُتے زارا نے ایس گل نوں رَد کردے ہوئے آکھیا کہ انج دی کوئی گل نہیں اے۔