نیویارک(پاکستان پوائنٹ نیوز28۔اگست2017ء) امریکی فنانشل سروسز دے ادارے نے پاکستانی حبیب بنک دی نیو یارک برانچ نوں 62ارب 96کروڑ جرمانے دا نوٹس گھل دتا اے، حبیب بنک دا اپنی برانچ نوں بند کرن دا فیصلا۔ میڈیا رپورٹس مطابق ماہرین ولوں آکھیا گیا اے کہ نیویارک دا ایہ اقدام پاکستان نوں دباء وچ لیان دیاں کوششاں دا حصہ اے۔ نیویارک دے مالی امور دے ادارے نے دو سال پہلے ایس برانچ اُتے کرپشن دا الزام لایا سی ۔
حبیب بنک دی ایس برانچ دا کہنا سی کہ اوہناں نے نیویارک دیاں ساریاں شکایتاں دور کرن لئی بھرپور کوشش کیتیاں تے ایہدے لئی وڈی رقم خرچ کرکے اہم اقدامات وی کیتے گئے، پر امریکی ریاست نے جرمانہ ختم کرن دا اپنا فیصلا نہیں بدلیا ۔ حبیب بنک ولوں آکھیا گیا اے کہ ایہ جرمانہ بغیر وجہ دے اے۔ جو قانون تے حقائق دے اُلٹ اے۔
