ٹیوٹا کرولا 2017دے ماڈل دی قیمت دا اعلان کر دتا گیا

کراچی(پاکستان پوائنٹ نیوز26۔جولائی 2017ء) مشہور موٹر کمپنی ٹیوٹا نے اپنے ٹیوٹا کرولا 2017دے ماڈل دی قیمت دا اعلان کر دتا اے۔ نویں ماڈل 2017وچ ٹائراں دا سائز پہلے ماڈلز دے مقابلے وچ ودھا دتا گیا اے۔ ایہناں ٹائراں بارے آکھیا جا رہیا اے کہ جے ایہناں نوں ہائی سپیڈ تے چلایا جائے تے فیر وی ایہ لمی کاڑھ کڈھن گے۔ ٹیوٹا کرولا دے ایس نویں ماڈل دی قیمت 25لکھ 49ہزار رُپئے اے۔ ایس گڈی وچ 9انچ دی سکرین، پش سٹارٹ بٹن، خوبصورت ایل ای ڈی بتیاں تے ائر بیگز سنے ہور جدید تے چنگیاں سہولتاں موجود نیں جدکہ گڈی دے ڈیزائن تے وی کمپنی نے ڈاڈھا کم کیتا اے۔ ٹیوٹا کرولا 2017دے ماڈل نوں لوکاں ڈاڈھا پسند کیتا اے۔